Apple係蘋果，更為人熟悉既係一間科技產品公司既名字。
以前喬布斯係度Ｉｐｈｏｎｅ真係值呢個價，因為每一代既Ｉｐｈｏｎｅ都係極大既改進，科技上既革新，錢買到革新，抵。
自從喬布斯死左，Ａｐｐｌｅ已經唔再係一個新鮮既蘋果，只係等緊發霉。
由Ｉｐｈｏｎｅ５ 開始到而家既失敗品Ｉｐｈｏｎｅ Ｘ，可以睇到其實Ａｐｐｌｅ係一路衰退緊。好多所謂新技術其實已經有其他公司做過，佢地每一代只係加Ｄ新野入去，已經江郎才盡。
我已經睇厭你地個啲自大吹噓既ｓｌｏｇａｎ，以前你地都自大得起，而家真係唔得。講真句，我覺得你地公司好核突。冇咁大個頭，啲ｓｌｏｇａｎ唔好吹咁大。
唔講其他，講最近ｉＯＳ１１，幾多唔同代既ｉｐｈｏｎｅ死機死到全世界都要去門市排隊換機。大佬ｉＯＳ係軟件黎咋喎，點解係官網下載既「更新」會整壞埋部電話既硬件咁低Ｂ？英文版本名係叫Ｓｔａｂｌｅ Ｐｕｂｌｉｃ Ｒｅｌｅａｓｅ喎！ Ｓｔａｂｌｅ？ 你仲夠膽講？
ｉｐｈｏｎｅＸ 最近又大死機潮～ 問題都係ｉＯＳ １１。
其實你地可唔可以放低少少無謂既身段，比大家ｄｏｗｎｇｒａｄｅ返去ｉｏｓ１０呢？
至少用得人，ｉｏｓ１０我覺得唔錯，起碼正正常常唔死機先。
又要威又輸唔起？返轉頭既機會都唔比人，開放返回潮ｉｏｓ１０，過一排搞掂ｉｏｓ１１先再放返出黎咪得？捆綁到咁樣，想要死一齊死？ 唔想認你錯？
你個啲捆綁式銷售我唔理你，Ｍａｒｋｅｔｉｎｇ黎講你算好野，真係咁多傻仔買你冇３點５ｍｍ ｈｅａｄｐｈｏｎｅ頭既智能手機，連同時充電同聽歌都做唔到既智能手機。
係要迫人買你啲副產品，叉電又轉插 ，聽歌又轉插，九百幾樣野。
我想講你地淨係ｋｅｅｐ到個ａｒｒｏｇａｎｔ，但ｋｅｅｐ唔到個ｉｎｎｏｖａｔｉｖｅ囉。
好肉酸呀，謙卑少少，下多啲苦工啦，唔係「聽」執架啦。
註：
我下部手機一定唔會係ｉｐｈｏｎｅ。
更新： 2020年我換過我IPHONE SE2 ，但已比左人。
